Fréttir

Skagafjarðarveitur minna viðskiptavini sína á öllum svæðum að fara sparlega með heita vatnið í kuldanum sem nú ríkir.

Skagafjarðarveitur beina þeim tilmælum til notenda hitaveitu á Sauðárkróki að fara sparlega með heita vatnið. Nú er mjög kalt og mikil vindkæling og útlit fyrir kulda áfram næstu daga og þess verður vart á stöðu heita vatnsins.

Það er nóg að gera í Veitunum þessa stundina, en hitaveita í Blönduhlíð liggur niðri vegna bilunar í dælustöð á Syðstu-Grund. Unnið er að viðgerð. Þá er fyrirhuguð viðgerð á leka í kalda vatninu á Króknum og mun þurfa að loka fyrir rennsli í útbænum.