26.11.2014
Borað eftir heitu vatni
Starfsmenn Skagafjarðarveitna eru búnir að vera í dag í Fljótum. Þar stendur til að bora vinnsluholu til að fá meira heitt vatn fyrir íbúa svæðisins. Nýja holan er staðsett stutt frá núverandi holu sem þjónar Langhúsum auk tveggja sumarhúsa við Hópsvatn. Borun hefst í vikunni og er gert ráð fyrir að holan verði 100-200 metrar á dýpt. Á myndunum má sjá borvagn og önnur tæki sem notuð eru til að bora eftir heitu vatni.
